CORONAS in Deorum pulvinar jaciendi ritus

CORONAS in Deorum pulvinar jaciendi ritus

indigitatur Capitolino in Marco, c. 4. In Saliatu omen accepit Imperii, coronas omnibus in pulvinar ex more iacientibus, aliae aliis locis haeserunt; huius, veluti manu, capiti Martis aptata est. Ubi quod de Saliis solus hic Auctor habet; de reliquis etiam Divis alibi legimus, in eorum scil. pulvinaria et statuas iaci coronas et flores omne genus, diebus praesertim festis, consuevisse. Unde in Deorum cultu ςτεφάνους etiam ponit Iustinus Apologeticô; ubi εν ῥαφαῖς ςτεφάνων, i. e. sutilium coronarum, quas ῥάμματα ἄνθινα vocat Hesychius, meminit. Salinas. ad locum. Vide quoque supra in voce Coniectus.